Telegram’da “O‘zbekistondagi eng dahshatli attraksion” deb nomlangan video tarqalmoqda. Holat yuzasidan Sanoat, radiatsiya va yadro xavfsizligi qo‘mitasi ma’lumot berdi.
Mazkur videolavhada aks etgan charxpalak attraksioni qo‘mitaning mas’ul xodimlari tomonidan dastlabki o‘rganishlarga ko‘ra, Andijon shahri Bobur nomli istirohat bog‘ida joylashgan. Mazkur istirohat bog‘i Bobur xalqaro jamoat fondi tasarrufidagi bog‘ bo‘lib, hozirgi kunda tadbirkor “Lyuks attraksion” MCHJ rahbari M.Atabayev tomonidan ijaraga olinib, faoliyat yuritib kelingan.
Shuningdek, videolavhadagi tasvirlangan holatlar 2024-yil joriy holati emasligi va tasvirlar qo‘mita faoliyati doirasidan tashqari, ya’ni qo‘mita uchun noma’lum maqsadlarda tasvirga olingani va tasvirga olish va undan keyingi vaqtda ushbu attraksionda baxtsiz hodisa va jarohat olganlar yo‘qligi ma’lum bo‘ldi.
Ayni paytda bog‘dagi ushbu attraksion holati ishchi guruh tomonidan o‘rganilayotgani sababli uning faoliyati vaqtincha to‘xtatilgan.
Bir oz vaqtdan so‘ng Sanoat, radiatsiya va yadro xavfsizligi qo‘mitasi holat yuzasidan e’lon qilgan bayonotini o’chirib yubordi.
Joriy mavsum boshida Namangan va Farg‘ona viloyatlaridagi mavjud istirohat bog‘laridagi attraksionlarning deyarli barchasi texnik ko‘rikdan o‘tgan. Faqatgina Andijon viloyatida bu ko‘rsatkich 60 foizga yetgan. Ushbu viloyatdagi 40 foiz bog‘da joylashgan attraksionlarning hech biri texnik ko‘rikdan o‘tmagan, — deydi u.
Eslatib o‘tamiz, “Daryo”ning 2023-yil mavsumi boshidagi o‘rganishlariga ko‘ra, O‘zbekistondagi mavjud 143 ta istirohat bog‘ida joylashgan 1845 ta attraksionning atigi 5-6 foizi texnik ko‘rikdan o‘tkazilgan bo‘lib, foydalanish uchun xavfsiz degan xulosa berilgan. Qolgan attraksionlarning texnik holati noma’lum. Joriy mavsumda bu holat qanday ekani hozircha noma’lum.
Izoh (0)