Ikromjon Tursunov Buxoro viloyati Ichki ishlar boshqarmasi boshlig‘i etib tayinlandi. Bu haqda IIV matbuot xizmati xabar berdi.
Ma’lum qilinishicha, 10-may kuni ichki ishlar vaziri Po‘lat Bobojonov ishtirokida Buxoro viloyatida jamoat xavfsizligi hamda kriminogen vaziyat barqarorligini taʼminlash masalalariga oid tezkor yig‘ilish o‘tkazildi.
Yig‘ilishda tashkiliy masala ko‘rilib, ichki ishlar vazirining buyrug‘i bilan Buxoro viloyati Ichki ishlar boshqarmasi boshlig‘i lavozimiga podpolkovnik Ikromjon Tursunov tayinlandi.
2023-yilning fevralidan buyon ushbu lavozimda polkovnik Mirjamol Miralimov ishlab kelayotgandi.
Ikromjon Tursunov tayinlovga qadar Surxondaryo viloyati IIB boshlig‘i birinchi o‘rinbosari lavozimida ishlagan. 2020-yil fevralidan Qashqadaryo viloyati IIB boshlig‘i birinchi o‘rinbosari lavozimida, undan avval esa Jizzax viloyati IIB jinoyat qidiruv boshqarmasi boshlig‘i lavozimida faoliyat yuritgan.
Izoh (0)