Ijtimoiy tarmoqlarda Surxondaryo viloyatida aholi turar joyiga ayiq kelib qolgani aks etgan video tarqalgandi. Ekologiya, atrof-muhitni muhofaza qilish va iqlim o‘zgarishi vazirligi holat yuzasidan ma’lumot berdi.
Unda aytilishicha, 15-may kuni Surxondaryo viloyati Sariosiyo tumanidagi “Jannatmakon” MFY hududiga kutilmaganda ayiq kelib qolgan. Yirtqich hayvon aholi turar joylariga kirib, insonlar hayotiga xavf tug‘dirgan. Ayiqni zararsizlantirishga harakat qilishgan, ammo yirtqich tajovuzkorlikni oshirib, IIB xodimlaridan biriga tashlangan va jarohat yetkazgan.
Bundan tashqari, ayiq 74-sonli maktabga kirib, o‘quvchilar hayotiga xavf solgan.
“Holat kutilmaganda yuz bergani, ayiq juda tajovuzkor harakat qilgani va maktab o‘quvchilari hayotiga xavf tug‘dirgani sababli tezkor chora ko‘rish talab qilingan va yirtqich otib o‘ldirilgan”, — deyiladi xabarda.
Ayiq jarohat yetkazgan IIB xodimi esa tibbiy tekshiruvdan o‘tkazilmoqda.
Izoh (0)