Toshkent shahrida fuqaroni tibbiyot institutiga o‘qishga kiritib qo‘ymoqchi bo‘lgan shaxs 10 yilga qamaldi. Bu haqda poytaxt IIBB matbuot xizmati xabar berdi.
Maʼlum qilinishicha, fuqaro A. Toshkentdagi taʼlim muassasalaridan birida dars berib kelgan. U o‘z o‘quvchisi bo‘lgan B.ni oliygohga kiritib qo‘yishiga ishontirib, undan 8 ming dollar oladi.
Biroq jinoiy ishi fosh bo‘lgach, u firibgarlik moddasi bilan sud tomonidan 2 yil-u 6 oyga ozodlikni cheklash jazosiga hukm qilingan.
Ammo fuqaro A. ushbu ishlardan so‘ng o‘quvchi M.ning ishonchiga kirib, uni Toshkent Pediatriya tibbiyot institutiga o‘qishga kiritib qo‘yishga vaʼda beradi.
Fuqaro A. avval 16 ming, keyin yana 2 ming dollar talab qilan. 2023-yilning 7-avgustida fuqaro A. o‘quvchi D.dan 13 ming dollar olayotgan paytida qo‘lga olindi.
Jinoyat ishlari bo‘yicha Uchtepa tuman sudi ochiq sud majlisida 1982-yilda tug‘ilgan, muqaddam sudlangan S.A.ning qilmishini qonunan baholab, uni Jinoyat kodeksining 168-moddasi 4-qismi “a” bandi (firibgarlik) va 211-moddasi 3-qismi “a” bandida (pora berish) nazarda tutilgan jinoyatni sodir etganlikda aybdor deb topdi.
Ayblanuvchiga nisbatan 10 yil ozodlikdan mahrum qilish jazosi tayinlandi.
Izoh (0)