Sirdaryo viloyatida futbol maydonidagi odamlar ustiga mashina haydagan haydovchi qo‘lga olindi. Unga nisbatan jinoyat ishi qo‘zg‘atilgan. Bu haqda “Daryo”ga viloyat IIB axborot xizmati rahbari Doston Shamsiddinov xabar berdi.
-1VRqrKOv.jpg)
Bildirilishicha, voqea bugun, 29-may kuni soat 18:00 larda viloyatning Sayxunobod tumanida sodir bo‘lgan.
Captiva haydovchisi tomonidan sodir etilgan holat Sirdaryo viloyati IIB mas’ul xodimlari tomonidan o‘rganilib, mazkur avtomashina haydovchisiga nisbatan Jinoyat kodeksining 277- moddasi (bezorilik) bilan jinoyat ishi qo‘zg‘atilib, tegishli tartibda qamoqqa olingan. Avtomashina jarima maydonchasiga joylashtirilgan, — deyiladi viloyat IIB axborot xizmati tarqatgan xabarda.
Ta’kidlanishicha, holat yuzasidan surishtiruv harakatlari olib borilmoqda.
Videoda shuningdek, haydovchining bir necha kishini urib yuborgani ham ko‘ringan. Ularning ahvoli haqida hozircha ma’lumot yo‘q.
Izoh (0)