Hindistonning Nagpur shahrida IndiGo aviakompaniyasiga tegishli samolyot bortda bomba borligi haqidagi tahdid sababli favqulodda qo‘ndirildi. Bu haqda India Today xabar berdi.
Ma’lum qilinishicha, uchoq Kochi shahridan poytaxt Nyu Dehliga parvoz qilayotgan bo‘lgan. Yo‘lovchilar favqulodda qo‘nishdan keyin evakuatsiya qilingan. Samolyot tekshiruvdan o‘tkazilgan, biroq shubhali buyumlar aniqlanmagan. Hozirda bomba haqidagi ma’lumot manbasi va tahdidning ishonchliligi bo‘yicha tergov olib borilmoqda.
12-iyun kuni Hindistonda Air India aviakompaniyasining Boeing 787-8 Dreamliner yo‘lovchi samolyoti halokatga uchragandi. Ahmadoboddan uchib, Londonga yo‘l olgan samolyot bir necha daqiqa o‘tib, shahardagi turar joy binosiga qulab tushgan. Oqibatda samolyot bortida bo‘lganlarning 241 nafari halok bo‘lgan, bir nafar yo‘lovchi omon qolgan.
Quruqlikda esa 30 dan ortiq odam, jumladan, samolyot qulagan tibbiyot kolleji kampusida yashovchi o‘n nafar shifokor va ularning oila a’zolari halok bo‘lgan. Qurbonlarning umumiy soni 274 tani tashkil qilmoqda. Hindiston uchun bu so‘nggi o‘n yilliklardagi eng yirik aviahalokatga aylangan.
Izoh (0)