Saudiya Arabistonining Toif shahridagi Green Mountain Park bog‘ida “360 daraja” nomli attraksion odamlari bilan birga qulab tushdi. Bu haqda Khaleej Times nashri xabar berdi.
Ma’lumotlarga ko‘ra, hodisa vaqtida attraksionning markaziy tayanchi ikkiga bo‘linib ketgan va undagi odamlar kuchli zarba bilan yerga qulagan. Kamida 23 kishi tan jarohati olgan, ularning ayrimlari og‘ir ahvolda. Hodisaning aniq sanasi oshkor etilmagan, biroq unga oid video lavhalar 31-iyul kuni ijtimoiy tarmoqlarda tarqalgan.
Favqulodda xizmatlar zudlik bilan voqea joyiga yetib borib, qutqaruv ishlarini boshlagan. Hodisaning sabablarini aniqlash bo‘yicha tergov olib borilmoqda.
Shunga o‘xshash voqea 2025-yil aprel oyida Hindistonning Dehli shahrida ham yuz bergan edi. O‘shanda Kapashera yaqinidagi Fun N Food suv bog‘ida attraksion qulab tushgan. Oqibatda 24 yoshli Priyanka ismli ayol halok bo‘lgandi. U attraksionga bo‘lajak turmush o‘rtog‘i bilan chiqqan bo‘lgan.
Izoh (0)