Janubiy Koreyaning Andong provinsiyasidagi maktablardan birida o‘qituvchi va o‘quvchining onasi imtihon varaqalarini o‘g‘irlagani uchun hibsga olindi. Bu haqda Arab News xabar berdi.
Politsiyaning ta’kidlashicha, gumonlanuvchilar ilgari ham shunga o‘xshash jinoyatlar sodir etgan. Xususan, ular bir talabaning imtihonlardan a’lo baholar bilan o‘tishiga ko‘maklashib kelgan.
“31 yoshli o‘qituvchi va 48 yoshli ona o‘z aybiga iqror bo‘ldi. Ular maktabga buzib kirib, imtihon varaqalarini o‘g‘irlagan. Gumondorlar nafaqat koreys tili, balki boshqa ko‘plab fanlar imtihon varaqalarini o‘g‘irlashga uringan”, dedi politsiya.
Ushbu voqea sabab 2023-yilda o‘qishga kirganidan beri a’lo baholarga o‘qib kelgan talaba o‘qishdan chetlatilgan va uning baholari bekor qilingan.
Janubiy Koreya ta’limga juda jiddiy e’tibor qaratishi bilan ajralib turadi. Mamlakatda har yili o‘tkaziladigan imtihonlarda tinglab tushunish testlari paytida samolyotlar uchishiga ham yo‘l qo‘yilmaydi.
Izoh (0)