Rossiya Ukrainaga 740 dan ortiq dron va raketa uchirdi (video)

Rossiya 9-iyulga o‘tar kechasi Ukrainaga 741 ta dron va raketa bilan hujum qildi. Bu haqda “Ukrainskaya Pravda” xabar berdi.

Bu urush boshlanganidan beri uchirilgan rekord miqdordagi dron hisoblanadi. Qurbonlar va jarohatlanganlar haqida ma’lumot berilmagan. Uchirilgan texnikalarning 718 tasi Ukraina havo hujumidan mudofaa kuchlari tomonidan zararsizlantirilgan. 4 ta hududga zarba berilgani va 14 ta joyda dronlarning qoldiqlari qulagani qayd etilgan.

Ushbu so‘nggi hujumda ruslar quyidagi texnikalardan foydalangan:

—728 ta “Shahed” tipidagi hujumchi dronlari va turli xil dron imitatsiyalari;

-—7 ta “X-101/Iskander-K” qanotli raketa;

— 6 ta “X-47M2 Dagger” aeroballistik raketa.

Hujumning asosiy nishoni Lutsk shahri bo‘lgan. Shuningdek, Dnepr, Jitomir, Kiyev, Kirovohrad, Nikolayev, Sumi, Xarkov, Xmelnitskiy, Cherkasi va Chernigov hududlarida ham zarabalar haqida ma’lumot berilgan.

Dastlabki ma’lumotlarga ko‘ra, havo hujumiga qarshi mudofaa 718 ta dushmanning havo hujumi qurolini zararsizlantirgan, yana 303 tasi o‘qotar qurol bilan urib tushirilgan. Havo hujumi bilan aviatsiya, zenit-raketa kuchlari, dronlar va Ukraina mudofaa kuchlarining mobil o‘t ochish guruhlari kurashgan.