Chexiyada shifokorlar tomonidan o‘lgani tasdiqlangan ayol tobutda qayta tirildi. Bu haqda Fox News xabar berdi.
Chexiyada 88 yoshli ayol umr yo‘ldoshi tomonidan yotoqxonada hushsiz holatda topilgan. Erkak darhol bu haqda Pilsen favqulodda xizmatlariga xabar bergan. U turmush o‘rtog‘i harakatsiz holatda ekanini va nafas olmayotganini ma’lum qilgan.
Tez yordam xodimlari yetib kelgach, ayolning vafot etganini tasdiqlangan va tergovchi yollangan. Tergovchi ham ayolning o‘limini tasdiqlagach, jasadni tobutga ko‘chirish uchun go‘rkovlar chaqirilgan. Ular ayolni tobutga o‘tkazishi bilan uning tirikligini aniqlagan. Ko‘p o‘tmay tez yordam mashinasi yetib kelgan va ayol shifoxonaga olib ketilgan.
Bu Lazarus effekti deb nomlanadigan noyob tibbiy hodisa hisoblanadi. U odatda kardiopulmonar reanimatsiyadan keyin bemor klinik o‘lim holatiga tushgach sodir bo‘ladi. Milliy sog‘liqni saqlash institutlari ma’lumotlariga ko‘ra, 1982-2022-yillarda AQSHda 74 ta shu kabi holat qayd etilgan.
Izoh (0)