Rossiya 2024-yil avgustidan boshlab hibsga olinganlarni urushga jo‘natgani uchun politsiya xodimlariga mukofot puli to‘lab kelmoqda. Bu haqda “Verstka” nashri xabar berdi.
Mudofaa vazirligi bilan shartnoma tuzgan har bir ushlanganlar uchun politsiyachilarga — uchastka nozirlari, tezkor xodimlar va tergovchilarga pul berilgan. Jinoyatda gumonlanganlarning qariyb 12 foizi sud va tergovga qadar urushga ketmoqda.
Endi biz gumonlanuvchilarga huquqlarini tushuntirayotganda, ular advokat bilan shartnoma tuzishi mumkinligini ham, albatta, tushuntirishimiz kerak. Bu suhbat majburiy, dedi Krasnodardan bo‘lgan politsiyachi nashrga.
To‘lovlar miqdori har bir ushlangan shaxs uchun 10 mingdan 100 ming rublgacha o‘zgarib turadi. Sankt Peterburg va Moskvada urushga yuborilgan gumonlanuvchi uchun politsiyachi 50 ming rubl, Leningrad viloyatida esa 100 ming rubl olishini sobiq tergovchi ma’lum qildi.
Agar qo‘lga olingan shaxs urushga borishga rozi bo‘lsa, jinoyat ishi yuritilishi to‘xtatiladi, ehtiyot chorasi bekor qilinadi. Advokatlarning aytishicha, agar ayblanuvchi urushdan mukofot bilan qaytsa, jarohat olsa yoki qaytib kelmasa, sudlanganlik haqidagi yozuvlar bo‘lmaydi.
“Oyiga ikki kishini urushga yuborgan tergovchi o‘z maoshidan ko‘proq pul oladi”.
Urushga ketgan gumonlanuvchidan hech qanday kompensatsiya talab qilib bo‘lmaydi. Fuqarolik da’volari esa faqat urush tugaganidan keyin va agar javobgar tirik bo‘lsa, ko‘rib chiqiladi, deb ma’lum qilgan federal sudya.
Mukofotni olish uchun harbiy komissariatdan gumonlanuvchi shartnoma imzolagani haqida ma’lumotnoma olib kelish kerak. Shu bilan birga, sudyaning ayblanuvchi urushga ketgani sababli ish yopildi, degan qarori ham yaroqli hisoblanadi.
Amalda, oyiga ikki kishini yuborish orqali tergovchi o‘z maoshidan ko‘proq daromad oladi, deya ta’kidlagan yaqinda ishdan ketgan politsiyachi.
Iyun oyida 3333 nafar hibsga olingan shaxsga urushga borish taklif etilgan.
Jinoyat kodeksiga kiritilgan o‘zgartirishlardan so‘ng, 18 yoshdan katta va 65 yoshdan kichik bo‘lgan barcha ushlab turilganlarga sud o‘rniga jangovar harakatlarda qatnashish huquqi ham borligi tushuntirilmoqda.
IIVning politsiya xodimlari orasidagi manbalardan olingan ma’lumotlarga ko‘ra, birgina iyun oyining o‘zida butun mamlakat bo‘ylab 3333 nafar hibsga olingan shaxsga urushga borish taklif etilgan. Shundan 2200 kishi shartnoma tuzishni rad etgan, 392 nafari (qariyb 12 foiz) rozi bo‘lgan. Tezkor xodimlar shartnoma tuzishni taklif qilgan yana 741 kishi bo‘yicha natija noma’lum.
Izoh (0)