Xitoy havo kemalari Yaponiyaning Minamitori oroli hududiga 370 kilometr kirib borgani aytilmoqda. Xitoy dengiz kuchlarining kengayib borayotgani Tokioda xavotir uyg‘otgan. Bu haqda The Guardian xabar berdi.
“Lyaoninl tashuvchisi 2 ta raketa esminetsi va ta’minot kemasi hamrohligida 7-iyun kuni kechqurun Yaponiyaning eksklyuziv iqtisodiy zonasiga kirdi. Biz dengizda va havoda ogohlantirish va kuzatuv vazifalarni bajarish uchun qo‘limizdan kelganini qilamiz”, dedi Yaponiya mudofaa vazirligi.
Vazirlar mahkamasi bosh kotibi Yoshimasa Xayashi hukumat rasmiy norozilik bildirgani yoki bildirmaganini aytmagan. Faqatgina “Xitoy tomoniga tegishli xabarni yetkazilgani” ochiqlangan.
Minamitori Yaponiya arxipelagining eng sharqiy nuqtasi bo‘lib, nodir metallarning yirik koni hisoblanadi. 2024-yili Nippon jamg‘armasi va Tokio universiteti mutaxassislari orol yaqinidagi dengiz tubida 200 million tonnaga yaqin marganes mavjudligini aniqlagan.
Tokiodan taxminan 1 900 km janubi-sharqda joylashgan Minamitorida tinch aholi yashamaydi, ammo u yerda meteorologiya agentligi, o‘zini o‘zi mudofaa qilish kuchlari va qirg‘oq qo‘riqlash xizmatining oz sonli xodimlari faoliyat yuritadi.
Xitoyning bu harakati Tokio va Vashingtonda kuchli xavotir uyg‘otgan. Ikki mamlakat Senkakus oroli ustida uzoq vaqtdan beri ziddiyatda. Orol Sharqiy Xitoy dengizida joylashgan va Yaponiya tomonidan boshqariladi. Ammo unga Xitoy ham da’vo qilmoqda.
Izoh (0)