Ogayo shtatidagi portlovchi moddalar zavodida kimyoviy moddalarning sizib chiqishi oqibatida hokimiyat Vinton tumani aholisini ko‘chirish ishlarini amalga oshirishga majbur bo‘ldi. Bu haqda NBC4 telekanali politsiyaga asoslanib xabar bermoqda.
Xabarda ta’kidlanishicha, ming nafarga yaqin kishini ko‘chirish kerak bo‘lgan.
Telekanalning ma’lum qilishicha, sizib chiqish Zaleski va MakArtur aholi punktlari orasidagi Austin Powder korxonasida yuz bergan.
Favqulodda xizmatlar bergan ma’lumotlarga ko‘ra, taxminan 190 ming litr xavfli nitrat kislotasi saqlangan idishdan sizib chiqqan. Osmonda to‘q sariq rang bulut paydo bo‘lgan.
Mahalliy hokimiyat oqibatlarni bartaraf etish choralarini ko‘rmoqda. Mutaxassislar aholiga uylariga qaytishga ruxsat berishdan avval havo sifatini tekshiradi.
Federal fuqaro aviatsiyasi boshqarmasi (FAA) zavoddan 50 kilometr radiusda 7000 metr balandlikkacha parvozlarni taqiqlagan.
Ta’kidlanishicha, barcha ko‘chirilganlar Vinton tumani o‘rta maktabining sport zaliga yo‘naltirilmoqda. Ko‘chirishda yordam berish uchun maktab avtobuslari mahalliy Avliyo Silvester katolik cherkoviga yuborilgan.
Izoh (0)