G‘azoda Isroil askarlari 12-iyun kuni ertalab yordam punktida yana olomonga qarata o‘t ochgan. Harbiy buldozerlar esa Jenin qochqin lagerini buzib tashlash arafasida. Bu haqda Al Jazeera xabar berdi.
“Hodisa oqibatida kamida 13 kishi halok bo‘lgan va 200 ga yaqin kishi yaralangan. 11-iyun kuni esa kamida 57 nafar odam halok bo‘ldi”, deya maʼlum qildi Sog‘liqni saqlash vazirligi.
G‘azo gumanitar jamg‘armasi o‘z avtobuslaridan biriga hujum qilinganda kamida 5 nafar xodim halok bo‘lganini aytgandi. Bu harakatda HAMAS ayblangan, ammo guruh mas’uliyatni bo‘yniga olmagan edi.
Sog‘liqni saqlash vazirligining ma’lum qilishicha, mamlakatda qon tanqisligi mavjud. Zudlik bilan kamida 7000 birlik qon kerakligi aytilgan. Qashshoqlik va ochlik tufayli qon berish uchun ko‘ngillilar yetarli emasligi qayd etilgan.
Isroil harbiy buldozerlari Jenin lagerini buzib tashlaydi
Jenin qochqinlar lageriga buldozerlar joylashtirilgan. Isroil harbiylari bu hududda keng ko‘lamli vayronagarchilik harakatini davom ettirmoqda. 12-iyun kuni erta tongda Isroil harbiy mashinalari hamrohligidagi buldozerlar Jenin lageri tomon yo‘l olganini ochiqlangan. Isroilning Jenin viloyatidagi harbiy amaliyoti 140 kundan beri davom etmoqda.
Bu vaqt ichida u 40 dan ortiq falastinlikning o‘limiga va o‘nlab odamlarning jarohatlanishiga sabab bo‘lgan. Bosqinchi kuchlar, shuningdek, minglab aholini ko‘chirib, Jenin hududidagi 600 dan ortiq uyni butunlay buzib tashlagan.
6-iyun kuni Isroil moliya vaziri Bezalel Smotrich Fransiya va boshqa Yevropa davlatlari Falastin davlatini tan olishda davom etsa, bosib olingan G‘arbiy Sohilda harakatlar yanada ortishidan ogohlantirgandi.
Izoh (0)