Suriyaning As-Suvayda viloyatida druzlar va badaviy qabilalari o‘rtasida bir necha kundan beri qurolli to‘qnashuvlar davom etmoqda. Hodisalarda halok bo‘lganlarning soni 37 kishiga yetgan. Bu haqda Syrian Observatory for Human Rights xabar berdi.
Halok bo‘lganlarning 27 nafari druzlar, 10 esa nafari badaviylar ekani ochiqlangan. Yana 50 ga yaqin kishi jarohatlangan. Qayd etilishicha, Damashq—As-Suvayda yo‘lidagi politsiya blokposti ham qurolli hujumga uchragan, so‘ngra yo‘l yopib qo‘yilgan. Sweida 24 nashri har ikki tomondan 10 kishi halok bo‘lib, 50 kishi yaralangani haqida ma’lumot bergan.
Suvayda gubernatori Mustafo al-Bakur “o‘zini tiyish”ga chaqirgan. Badaviy va druz fraksiyalari Suvaydada uzoq vaqtdan beri adovatda bo‘lib, vaqti-vaqti bilan ular o‘rtasida to‘qnashuv sodir bo‘lib turadi.
Izoh (0)