Isroil rasmiysi HAMASning o‘t ochishni to‘xtatish taklifini asosli deb atab, uni ma’qullagandek bo‘ldi. Bu haqda Arab News xabar berdi.
Yahudiy davlati ushbu taklifni qabul qilgan-qilmaganini aniq aytmagan va qo‘shimcha tafsilotlarni ochiqlamagan. HAMAS esa 24-iyul kuni erta tongda bergan bayonotida o‘t ochishni to‘xtatish taklifini vositachilarga yuborganini tasdiqlagan.
Isroilning bu qarorga kelishiga uning dunyo hamjamiyati tomonidan G‘azoda ochlik keltirib chiqarishda ayblanayotgani sabab bo‘lgan. Xususan, so‘nggi kunlarda dunyoning 100 dan ortiq xayriya va huquqni himoya qilish tashkilotlari Isroilning blokadasi va davom etayotgan harbiy hujumi G‘azo sektorini ocharchilik sari yetaklayotganini da’vo qilayotgandi.
Ma’lumot o‘rnida, G‘azo sektorida bugun, 24-iyul kuni Isroil hujumlari sabab umumiy 17 kishi halok bo‘ldi. Xususan, ularning 3 nafari gumanitar yordam olishga urinayotgan falastinliklar edi. Bundan tashqari, Al-Mavosiy shahrida 2 nafar, anklav markazida esa yana 8 nafar falastinlik qurbon bo‘lgan. Wafa axborot agentligining xabar berishicha, Al-Xader shaharchasida 15 va 17 yoshli ikki falastinlik o‘ldirilgan.
Bosib olingan G‘arbiy Sohilda 25 nafar falastinlik hibsga olindi
Isroil qo‘shinlari bosib olingan G‘arbiy Sohildagi bir qator shahar va qishloqlarga bostirib kirib, 24-iyul tongidan beri 25 nafar falastinlikni hibsga oldi. Ularning hududlar bo‘yicha taqsimoti quyidagicha:
- Bayt Ummar shahrida 10 nafar;
- Idna shahrida 2 nafar;
- Dura Al-Qari shahrida 3 nafar;
- Ramallah shahrida 1 nafar;
- Al-Mazraa Ash-Sharqiya qishlog‘ida 5 nafar;
- Nablus shahrida 4 nafar.
Izoh (0)