Odri Bakkeberg, 2 nafar bolaning onasi, 1962-yil iyul oyida AQSHning Ridsburg shahridan g‘oyib bo‘lganidan so‘ng 60 yil o‘tib topildi. O‘shanda u 20 yoshda bo‘lgan. Bu haqda National Public Radio xabar berdi.
Oila enagasining aytishicha, Odri va u avtomobilda Medisonga borgan, so‘ngra avtobusda Indianapolisga yo‘l olgan. U oxirgi marta ayolni avtobus bekati yaqinida ko‘rgan. Shundan so‘ng Odri uyga qaytib kelmagan va bedarak yo‘qolgan.
2025-yil may oyida Odri tirik va sog‘-salomat ekani, hozirda Viskonsin shtatidan tashqarida yashayotgani aniqlangan. Keyingi surishtiruvlarda esa ayol o‘z xohishi bilan g‘oyib bo‘lgani ma’lum qilingan. Odri uning manzilini oshkor qilmaslikni so‘ragan.
Izquvar Isaak Hanson yo‘qolgan shaxsning singlisi Ancestry.com saytida akkauntga ega ekanini aniqlab, yangi ma’lumotlar, jumladan, bir manzilni topishga muvaffaq bo‘ladi. Keyinchalik aynan shu manzilda Odri yashayotgani aniqlanadi.
“Odri bilan gaplashganimda uning baxtiyorligiga guvoh bo‘ldim, qaroridan afsuslanayotgani yo‘q edi. Aytishicha, ayol oilasidan ataylab ketgan”, dedi izquvar.
Ta’kidlanisha, Odrining eri bir juft qurolni o‘qlab, rafiqasini o‘ldirish bilan tahdid qilgan. Bu vaqt orasida Bakkebergning oilasi uning allaqachon o‘ldirilganiga ishonib, jasadi topilishiga umid qilgan.
Izoh (0)