Avstraliyalik muxbir Los Anjelesda immigratsiya reydlariga qarshi norozilik namoyishlari haqida reportaj tayyorlayotganda unga rezina o‘q otilgan. Bu haqda The Guardian xabar berdi.
AQSH rasmiylari, jumladan, Los Anjeles politsiya departamenti va milliy gvardiya qo‘shinlari 8-iyun kuni namoyishchilarni tinchlantirishga uringan. Ular Donald Trampning immigratsiyaga qarshi kurashiga qarshi norozilik bildirayotgan edi.
Avstraliya Tashqi ishlar va savdo vazirligi “barcha jurnalistlar o‘z vazifasini xavfsiz bajarishi kerak” degan bayonot bilan chiqdi.
“Avstraliya ommaviy axborot vositalari erkinligi va jurnalistlar himoyasini qo‘llab-quvvatlaydi”, deyiladi bayonotda.
Avstraliyalik senator Sara Xenson-Yang AQSH bosh vaziri Entoni Albanezdan “shoshilinch tushuntirish” talab qilgan.
Albanez prezidentga aytishi kerak bo‘lgan birinchi narsa — jurnalistlarga o‘q otishni to‘xtatish. Matbuot erkinligi kuchli demokratiyaning asosiy ustunidir”, dedi senator.
7-iyun kuni Los Anjelesdagi britaniyalik yangiliklar fotografi politsiya va namoyishchilar o‘rtasidagi qarama-qarshilik chog‘ida yaralangandi.
Izoh (0)