Nyu Yorkda fuqarolarga maoshlarini bitkoinlarda olish va kommunal xizmatlar uchun to‘lovlarni bitkoinlar orqali amalga oshirish imkoniyati yaratilishi mumkin. Bu haqda Las Vegasda o‘tkazilayotgan Bitcoin 2025 konferensiyasi doirasida Nyu York shahri meri Erik Adams ma’lum qildi, deya xabar bermoqda “RIA Novosti”.
“Shaharda amalga oshirishimiz mumkin bo‘lgan ba’zi ishlar bor. Bizga hech qanday federal tartibga solish kerak emas. Biz odamlarga kommunal to‘lovlarni bitkoinlar orqali to‘lashga ruxsat berishimiz mumkin. Odamlarga maoshlarini bitkoinlarda olishlariga imkon yaratishimiz mumkin... Hoziroq qilishimiz mumkin bo‘lgan ishlar bor va biz ularni amalga oshirishni boshlaymiz”, dedi u agentlik muxbiri bilan suhbatda.
Adamsning qo‘shimcha qilishicha, megapolis ma’muriyati o‘z darajasida bitkoindan foydalanishning mumkin bo‘lgan yo‘llarini baholaydi, keyin esa shtat ma’muriyati va federal hukumat bilan hamkorlikni yo‘lga qo‘yadi.
“Federal darajada yaxshi hamkorimiz bor. Endi shtatni jalb qilishimiz kerak”, dedi mer.
Erik Adamsning qo‘shimcha qilishicha, shahar hokimiyati maktablarda bolalarni kriptovalyutalardan foydalanishga o‘rgatishni boshlaydi, chunki buni juda muhim deb hisoblaydi.
“Buni maktablarimizda joriy etmoqchimiz”, dedi Nyu York meri kriptovalyutalardan foydalanish bo‘yicha aholining bilimini oshirish zarurligini izohlayotib.
Adamsning fikricha, u hokimiyat faoliyatining ushbu yo‘nalishini “juda muhim” deb baholaydi.
Izoh (0)