Yaponiyada 1945-yilda Xirosima va Nagasakiga tashlangan atom bombasi halokatidan omon qolganlar, ya’ni “hibakusha”lar soni birinchi marta 100 mingdan kamaydi. Bu haqda Anadolu xabar berdi.
Mart oyi oxirida “jabrlanuvchi guvohnomasi”ga ega bo‘lganlar soni 99,130 kishini tashkil etgan. Bu miqdor 2024-yilga nisbatan 7,695 nafarga kamaygan. Ularning o‘rtacha yoshi 86 ni tashkil etmoqda, deyiladi Sog‘liqni saqlash, mehnat va farovonlik vazirligi ma’lumotida.
Vazirlikka ko‘ra, eng ko‘p jabrlanuvchilar Xirosima prefekturasida (48 310 nafar), keyingi o‘rinlarda Nagasaki (23 543 nafar) va Fukuokada (3957 nafar) qayd etilgan.
Yaponiyada 1957-yilda bunday guvohnoma egalari soni taxminan 200 ming kishi edi. 1980-yilda esa 372 mingdan ortiq bo‘lgan, shundan so‘ng miqdor doimiy ravishda kamayib borgan. 1999-yilda bu ko‘rsatkich 300 mingdan, 2013-yilga kelib esa 200 mingdan pasaygan.
1957-yilda “jabrlanuvchi guvohnomalari” berila boshlangandi. Shundan beri vazirlik har yili mart oyi oxirida atom bombasidan omon qolganlar sonini e’lon qilib keladi.
Izoh (0)