Rossiya Tashqi ishlar vazirligi amerikalik milliarder Ilon Maskka siyosiy boshpana berish so‘rovini oldi. Bu haqda Davlat dumasi vitse-spikeri Vladislav Davankov xabar berdi.
Davankovning so‘zlariga ko‘ra, vazirlikdan javob bir oy ichida kelishi kerak.
Menimcha, Ilon Mask xatolarga yo‘l qo‘ygan, ammo bu xatolarni kechira olish kerak. Agar bu amalga oshmasa ham, biz uni doimo kutamiz. Texnologik yondashuvi va kelajakni ko‘ra bilish salohiyati bilan u juda zo‘r inson, dedi deputat.
Ma’lumot uchun, iyun oyida boshida AQSH prezidenti Donald Tramp va milliarder Ilon Mask o‘rtasida ziddiyat yuzaga kelgan edi. Bunga Mask davlat xarajatlarini qisqartirish bo‘yicha yangi qonun loyihasini tanqid qilgani sabab bo‘lgan. Milliarder bu tashabbusni “jirkanch” deb atagan hamda iqtisodiyot uchun salbiy oqibatlarga olib kelishini aytgan.
Tramp esa bunday tanqidlardan xafaligini bildirgan. U Ilon Mask qonun loyihasidan juda yaxshi xabardorligi, tadbirkor elektromobillar uchun imtiyozlar bekor qilinayotgani sabab norozi bo‘layotganini ta’kidlagan. Bunga javoban Mask AQSH prezidentini yolg‘onchilikda ayblagandi.
Keyinchalik milliarder prezident haqidagi bir nechta postlari uchun uzr so‘rab, “haddan oshib ketganini” tan olgan. Amerika yetakchisi, o‘z navbatida, Maskning uzrlarini “juda samimiy” deb atagandi.
Izoh (0)