BMTning qochqinlar bo‘yicha agentligi 2-iyun kuni Sudanni urush boshlanganidan beri 4 milliondan oshiq odam tark etganini ma’lum qildi. Bu haqda Arab News xabar berdi.
BMT Qochqinlar bo‘yicha Oliy komissari boshqarmasi Jenevada matbuot anjumani o‘tkazdi. Unda boshqarma matbuot kotibi Yudjin Byun mamlakatni tark etish mintaqaviy va global barqarorlikni xavf ostiga qo‘yayotganini ta‘kidlagan.
Bungacha Sudanda 25 million kishi ochlikdan aziyat chekayotgani ma’lum bo‘lgandi. Shu jumladan 770 ming bolao‘tkir to‘yib ovqatlanmaslikning og‘ir shakliga duchor bo‘lgan. Sudanda tibbiyot muassasalari, tez yordam mashinalari, bemorlar va tibbiyot xodimlariga qarshi 167 ta tasdiqlangan. Mazkur hujumlar oqibatida 1 120 dan ortiq odam halok bo‘lgan. Sudanda 2023-yil 15-apreldan beri Muhammad Hamdan Daglo boshchiligidagi Tezkor harakat kuchlari va muntazam armiya o‘rtasida shiddatli janglar davom etmoqda.
2025-yil may oyida Sudandagi mojaro oqibatida 32 mingga yaqin odam halok bo‘lgan. Shuningdek, aholining 30 foizi ko‘chib ketishga majbur bo‘lgan, 20 million kishi esa gumanitar yordamga muhtoj.
Izoh (0)