Surinam parlamenti 6-iyul kuni mamlakat tarixidagi birinchi ayol prezidentni sayladi. Bu haqda CNN xabar berdi.

Jennifer Simons oldin shifokor va parlament spikeri sifatida faoliyat yuritgan. Uning Milliy-demokratik partiyasi 25-may kuni bo‘lib o‘tgan parlament saylovlarida 18 ta o‘rinni, amaldagi prezident Chan Santoxining Progressiv islohotlar partiyasi esa 17 ta o‘rinni egallagan. Qolgan 16 ta o‘rinni nisbatan kichik partiyalar qo‘lga kiritgan. Qonunchilikga ko‘ra, prezidentlikka nomzod saylovda g‘alaba qozonishi uchun uchdan ikki ovoz to‘plashi kerak boladi.
Simons yoshlarga va imkoniyati cheklanganlarga alohida e’tibor berishga va’da bermoqda.
“Men bu ofisga xizmat qilish uchun keldim. Milliy boyligimizni barcha xalqimizga yetkazish uchun bor bilimim, kuchim va aql-zakovatimni ishga solaman. Yelkamga qanday mas’uliyat yuklanganini juda yaxshi bilaman. Bu lavozimni egallagan birinchi ayol bo‘lganim ma’suliyatni yanada orttirmoqda. Ko‘p gapirishni istamayman. Darhol ishga kirishishim lozim”, dedi 71 yoshli Simons.
Yangi prezident o‘n yil davomida parlament spikeri sifatida faoliyat yuritgan. Uning inauguratsiyasi 16-iyulga belgilangan. Parlament Surinam Milliy partiyasi rahbari Gregoriy Ruslanni vitse-prezident lavozimiga tayinlagan.
Amaldagi prezident Chan Santoxi (66 yoshli sobiq politsiya komissari) ham qayta saylanish uchun so‘nggi saylovda ishtirok etgan. U aholining kambag‘alroq va zaifroq qatlamlarini himoya qilmagani uchun tanqidga uchragan edi. Santoxi sodiqligi bilan esda qolishiga umid qilmoqda. Bundan keyin esa u parlament a’zosi sifatida mamlakatga xizmat qilishda davom etishini bildirgan.
Surinam 1975-yildan beri Niderlandiyaning sobiq mustamlakasi bo‘lgan. Mamlakatda “TotalEnergies TTEF.PA” boshchiligidagi neft va gaz loyihasi sabab milliy daromad oshishi kutilmoqda.
Izoh (0)