AQSHda Dyuk universiteti qoshidagi klinika shifokorlari bir chaqaloqning to‘xtab qolgan yuragini boshqasining ko‘krak qafasida qayta ishga tushirdi. Bu haqda BBC xabar berdi.
Shifokorlarning ta’kidlashicha, donor yurak transplantatsiya qilinishidan oldin urishdan to‘xtab qolgan. Odatda potensial donor yurak ko‘chirishdan oldin to‘xtab qolsa, uni transplantatsiya qilish mumkin bo‘lmaydi. Shunga qaramay, bu yondashuv birinchi marta 3 oylik chaqaloqda o‘tkazilgan operatsiyada muvaffaqiyatli qo‘llandi.
Ilmiy adabiyotlarda shunga o‘xshash bir nechta holatlar qayd etilgan. Bu holat odatda inglizcha “qon aylanish to‘xtaganidan keyingi donorlik” (donation after circulatory death) iborasidan olingan DCD qisqartmasi bilan belgilanadi.
Ma’lumotlarga ko‘ra, dunyoda yiliga taxminan 5 000 ta yurak transplantatsiyasi amalga oshiriladi. Bu operatsiyalarning deyarli yarmi AQSH hissasiga to‘g‘ri keladi. Aksariyat rivojlangan mamlakatlar, jumladan, AQSH, Germaniya, Buyuk Britaniya, Fransiya, Ispaniya, Italiya, Hindiston, Janubiy Koreya, Yaponiya, Saudiya Arabistoni kabi davlatlarda bu amaliyotlar muntazam o‘tkaziladi.
Izoh (0)