AQSHning yangi bosh prokurori Pem Bond koronavirus bilan bog‘liq ayblovlar asosida 35 yilga qamalishi kerak bo‘lgan shifokorga nisbatan ishni yopdi. Bu haqda Reuters xabar berdi.
Yuta shtatidan bo‘lgan shifokor Maykl Kirk Mur emlash sertifikatlarini qalbakilashtirish va 28 ming dollardan ortiq miqdordagi vaksinalarni yo‘q qilishda ayblangan edi. Sud jarayoni 2025-yil iyul oyida boshlangan. Unga 35 yilgacha ozodlikdan mahrum etish jazosi tahdid solayotgandi.
Doktor Mur federal hukumatdan farqli o‘laroq, o‘z bemorlariga tanlov huquqini bergan. U tahdid solinayotgan qamoq yillariga loyiq emas edi. Bugun bu ish yakunlandi, degan prokuror Pem Bond.
Ma’lumotlarga ko‘ra, pandemiya davrida Mur emlanganlik haqida soxta sertifikatlar yozib bergan, bolalarga ota-onasining roziligi bilan vaksina o‘rniga tuzli eritma yuborgan. Shuningdek, u davlatga tegishli vaksinalarni yo‘q qilish va deyarli ikki mingga yaqin soxta COVID-sertifikatlarini tarqatishda ayblangan.
Bondning bu qarori AQSH Adliya vazirligining yangi rahbariyati tomonidan ilgari boshlangan ishlarni qayta ko‘rib chiqish doirasida qabul qilindi.
Izoh (0)