Indoneziyaning Bali orolidagi Denpasar shahrida erkak xo‘roz hujumi oqibatida vafot etdi. Bu haqda South China Morning Post xabar berdi.
Ma’lum qilinishicha, 50 yoshli Nengax Sudana an’anaviy Bali xo‘roz jangi — tajenni tomosha qilayotgan bo‘lgan. Jang oldidan xo‘rozlarning oyoqlariga o‘tkir metall “lezviya”lar bog‘langan. To‘satdan parrandalardan biri jang maydonidan chiqib ketib, boshqa xo‘rozga tashlangan. Shu paytda u erkakning qorniga borib urilgan.
Og‘ir tan jarohati olgan erkak zudlik bilan shifoxonaga yetkazilgan, biroq shifokorlar uning hayotini saqlab qola olmagan. Balida hinduiylik e’tiqodiga ko‘ra, xo‘roz jangi poklanish marosimining bir qismi hisoblanadi. Unda mag‘lub bo‘lgan xo‘rozning qoni “yovuz ruhlarni haydash” uchun qurbonlik sifatida ishlatiladi.
Diniy marosimlardan tashqari o‘tkaziladigan xo‘roz janglari Indoneziyada qimor o‘yini sifatida taqiqlangan. Shunday bo‘lsa-da, ular hanuzgacha o‘tkazib kelinadi.
Izoh (0)