Rossiya 14-iyulga o‘tar kechasi Ukrainaning 4 ta shahriga dronlar va boshqariladigan bombalar bilan zarba berdi. Bu haqda Deutsche Welle xabar berdi.
Sumi shahriga qilingan hujumlar oqibatida 50 va 55 yoshli 2 nafar erkak halok bo‘lgani ma’lum qilingan. Bundan tashqari, ko‘p qavatli uyda 4 nafar fuqaro, jumladan 7 yoshli bola jarohatlangan.
Sumi shahrining harbiy ma’muriyati rahbari Oleg Grigorovning ta’kidlashicha, Shostka hududida hammasi bo‘lib, 30 ga yaqin ko‘p qavatli va xususiy turar joy binolari, shuningdek, noturar binolar shikastlangan. Shahardagi fuqarolik infratuzilmasi obyektida yong‘in sodir bo‘lgan va u tezda o‘chirilgan. Ta’kidlanishicha, hududda jarohatlanganlar yo‘q.
Rossiya dronlari xuddi shu kuni Dnepropetrovsk shariga ham hujum qilgan. Hududda bir nechta turar va noturar binolar yonib ketgan, 3 kishi jarohat olgan. Ulardan 2 nafar 13 yoshli qizning ahvoli qoniqarli deya baholangan, 51 yoshli erkak esa og‘ir ahvolda. Krivoy Rog va Nikopol shaharlarida ham zarbalar haqida ma’lumot berilgan, lekin qurbonlar yo‘qligi aytilgan.
Ukraina harbiy-havo kuchlari mamlakat hududida 61 ta Shahed turidagi dronlarni urib tushirganini va yana 47 ta dron imitatori yo‘q qilinganini bildirgan. Shuningdek, Kursk viloyatidan Ukraina hududiga 4 ta “S-300/400” zenit-raketalar uchirilgan.
Rossiya harbiy departamenti ma’lumotlariga ko‘ra, 14-iyulga o‘tar kechasi Oryol shari osmonida 6 ta dron urib tushirilgan. Ular Bryansk, Kursk, anneksiya qilingan Qrim va Qora dengiz osmonida qayd etilgan.
Izoh (0)