Bitkoin narxi 9-iyul kuni 112 ming dollardan oshib, yangi rekord o‘rnatdi. Bu investorlarning xatarli aktivlarga bo‘lgan global talabining o‘sishi sabab yuzaga keldi. Bu haqda Bloomberg xabar berdi.
Rekord qayd etilishiga bitkoin defitsitining 200 million dollarlik likvidatsiyasi asosiy turtki bo‘lgan. Bitkoinning narxi 9-iyul kuni so‘nggi hafta davomida 5,95 foizga ko‘tarilib, birinchi marta tarixdagi eng yuqori ko‘rsatkich — 112 ming dollardan oshgan. Binance va Coinbase platformalarida qayd etilgan ushbu koʼrsatkich kriptovalyuta bozoridagi eng yuqori narx sifatida qaralmoqda.
Narxning oshishi kripto bozorining umumiy kapitallashuviga 3,47 trillion dollarni qaytarishga yordam bergan. Bu miqdor oxirgi marta 2025-yil iyun oyida kuzatilgan edi. Biroq, kripto bozorining qiymati 2024-yil dekabr oyida qayd etilgan eng yuqori ko‘rsatkich — 3,73 trillion dollardan pastligicha qolmoqda.
Bitkoinning bozordagi umumiy qiymati — kapitallashuvi 2,17 trln dollardan oshib, uni Alphabet (Google) kompaniyasi aksiyalari bilan bir qatordagi beshinchi eng yirik aktivga aylantirgan. Bu esa kriptovalyuta bozori nufuzining ortganidan dalolat beradi.
Shu bilan birga, bir necha hafta avval 14 yil davomida faol bo‘lmagan 2,18 milliard dollarlik “uyqudagi” bitkoinlar harakatga kelgan edi. Ularning avvalgi umumiy qiymati 7 800 dollarni tashkil etgan bo‘lsa, bugun ularning har biri 1,1 milliard dollarga teng baholanmoqda. Muttaxassislar fikricha, ushbu yuksalish kriptobozorda yangi faollikka yo‘l ochadi.
Bitkoinning bu rekord ko‘rsatkichi AQSH prezidenti Donald Tramp Malayziya, Qozog‘iston, Janubiy Afrika, Myanma va Laosga nisbatan 40 foizlik yangi savdo tariflari joriy etganidan so‘ng qayd etilgan.
Izoh (0)