Irlandiya qirg‘oqlari yaqinida 1787-yilda sirli tarzda cho‘kib ketgan Britaniya kemasi qoldiqlari topildi. Bu haqda Express xabar berdi.
Ma’lum qilinishicha, Recovery kemasi bundan 350 yil muqaddam Italiyadan Irlandiyaga ketayotganda cho‘kib ketgan. Kemada olti kishi, jumladan, kapitanning ikki o‘g‘li ham bo‘lgan. Ularning hech biri tirik qolmagan. Kema irlandiyalik bankir Jon La Tushga tegishli qimmatbaho marmar va bronza buyumlarni olib ketayotgan edi.
Yuzlab yillar o‘tgach, g‘arq bo‘lgan kemalarni qidirish bo‘yicha mutaxassis Edmond O’Byorn ekspeditsiyasi xazina ortilgan kema qoldiqlarini topdi. U gidrolokator yordamida Recovery rulini payqaganini aytdi. G‘avvoslar jamoasi yaqin atrofda langarni aniqlashga muvaffaq bo‘lgan. Kemada o‘tgan davrlarga oid buyumlar, jumladan, mis choynak va siyohdonlar saqlanib qolingan.
O’Byorn ta’kidlashicha, Recovery qoldiqlari 20 metr chuqurlikda joylashgan. Ular hali o‘rganiladi. Kemada olib ketilayotgan ko‘plab xazinalar yaxshi saqlangan bo‘lishi kutilmoqda.
Mutaxassis kelajakdagi tadqiqotlar kema halokati sababini tushuntirishga yordam berishini aytgan. O’Byornning taxminicha, kema tasodifan sayoz joyga urilib, rul va orqa qismini yo‘qotgan, so‘ngra cho‘kib ketgan.
Izoh (0)