Qarishni o‘n yilga sekinlashtirmoqchimisiz? Unda eng avvalo oshqozon-ichak tizimingiz sog‘lom ishlashini ta’minlang. Buning uchun esa hayotingizni darhol ijobiy tomonga o‘zgartiradigan quyidagi 3 ta mahsulotni kunlik ratsioningizga qo‘shishni unutmang.
Limonli suv
Och qoringa ichilgan bu tetiklashtiruvchi ichimlik ichaklarni to‘g‘ri ishlashga moslashtiradi. Limon sharbati kislotalilikni oshiradi, deb qo‘rqmaslik kerak, chunki organizmga kirganda u yerda aql bovar qilmaydigan metamorfozlar sodir bo‘ladi. U ichki muhitni yanada ishqoriy qiladi, buning natijasida moddalar almashinuvi tezlashadi, oshqozon-ichak trakti aʼzolari ishini faollashtiradi va allaqachon mavjud bo‘lgan kasalliklarning alomatlarini bartaraf etadi.
Nok, olma va banan triosi
Aynan shu oddiy va hammamizga tanish bo‘lgan mevalar kombinatsiyasi ichak faoliyatiga foydali taʼsir ko‘rsatadi. Mahsulotlar ich qotishiga qarshilik ko‘rsatadigan va saraton hujayralarining o‘sishini to‘xtatadigan eruvchan kletchatkaga boy.
Yong‘oq yog‘i solingan selderey
O‘z qaddi-qomati va ichaklari salomatligiga eʼtibor qaratadigan ayollar uchun ideal tamaddi hisoblanadi. Selderey ovqat hazm qilishni yaxshilaydi, yong‘oq yog‘i esa yog‘ kislotalari bilan to‘yingan bo‘lib, yomon xolesterinni kamaytirib yaxshisini ko‘paytiradi hamda yurak-qon tomir kasalliklari rivojlanishining oldini oladi.
Izoh (0)