Maktabdagi yomon baholar har qanday bola uchun salbiy tajriba bo‘lishi mumkin. Biroq ota-onalar farzandlariga bu holatni yengib o‘tishga va uning oqibatlarini bartaraf etishga yordam berishlari kerak. Bu haqda pedagog Kseniya Vasyuk RuNews24.ru saytiga bergan intervyusida ma’lum qildi.
Mutaxassisning so‘zlariga ko‘ra, ko‘pincha yomon baholar ota-onalarni ko‘proq tashvishga soladi. Bolalar esa o‘zlarining psixologik xususiyatlari sababli, bu holatni ancha yengil qabul qiladi.
Vasyuk tasodifiy yomon baholarga keskin reaksiya qilish shart emasligini ta’kidladi. Muhimi — bolaga bu tajribani boshdan kechirishga yordam berish va xatolarni tuzatishga undash. Ota-onaning tajovuzkor munosabati bola o‘z muammolarini yashirishiga olib kelishi mumkin.
Vasyukning qo‘shimcha qilishicha, o‘qituvchilar doimo yordam berishga tayyor, chunki ular ham yomon baholar bo‘lishidan manfaatdor emas.
O‘qituvchining aytishicha, bola yomon baholarni o‘zi tuzatishi kerak. Boshlang‘ich sinf o‘quvchilari uchun esa o‘qituvchi bilan muloqot qilishda ota-onaning yordami maqbul hisoblanadi.
Muntazam yomon baholar muammolar mavjudligidan darak beradi. Bunday holatda psixolog yoki ijtimoiy pedagogga murojaat qilish, shuningdek, bola bilan ehtimoliy nizolar haqida suhbatlashish lozim. Vasyuk ta’limga qiziqmaydigan bolalar uchun maktabdan tashqarida ularning qiziqish va iste’dodlarini rivojlantirishni tavsiya etdi.
Izoh (0)