Bu aktrisalar mashhur Disney qahramonlariga o‘z ovozlarini inʼom etishgan, ammo ularning kimligini va tashqi ko‘rinishi qanday bo‘lganini ko‘pchilik bilmaydi. Aynan ularning ovozi maftunkor obrazlarni yaratishda katta hissa qo‘shgan. Quyida Disney’ning 3 mashhur obraziga ovoz bergan aktrisalar haqida bo‘lishdik.
Eylin Vuds — Zolushka
Asl ismi Jaklin Rut Vuds bo‘lgan aktrisa Gollivudda mashhur bo‘lishni orzu qilmagan, biroq onasi qizining yulduz bo‘lishiga ishonchi komil edi. Shunday qilib, qizcha avval mahalliy radioda ishlay boshladi, keyin esa orkestr bilan gastrollarda qatnashdi. 1950-yilda ekranga chiqqan multfilmda, Zolushkaga ovoz berish uchun o‘tkazilgan kastingda Uolt Disney’ning o‘zi 400 nafar nomzod orasidan yoqimli ovozli aktrisani tanladi. Keyinchalik u Vuds ijrosidagi Zolushka o‘zining eng sevimli ayol qahramoni ekanini eʼtirof etdi. Aktrisa 2010-yilda qariyalar uyida 81 yoshida vafot etdi.
Jodi Benson — Suv parisi
Aktrisaga shuhratni aynan chizilgan qahramonlar keltirdi. 1989-yilgi animatsion film Suv parisidan tashqari, u “O‘yinchoqlar tarixi 2” filmidagi Barbiga va “Ledi va Daydi 2” filmidagi Lediga, shuningdek, 1994-yilda Dyuymovochka multfilmiga hamda boshqa ko‘plab personajlarga ovoz bergan. Aktrisaning hissasini Xolli Beyli ishtirokidagi “Suv parisi”ning yangi filmida ham eʼtirof etishga qaror qilishdi — Jodi epizodik rollardan biriga taklif etildi.
Peyj O‘Xara — Bell
Aktrisa Disney ijodining ashaddiy muxlisi bo‘lgani uchun, gazetada kasting haqidagi eʼlonni o‘qishi bilanoq, sinovdan o‘tishga qaror qildi. Omad unga kulib boqdi — aynan u 1991-yildagi “Sohibjamol va Maxluq” nomli mashhur multfilmda bosh qahramonga ovoz berdi. Uning ovozi Bell obraziga shunchalik mos kelardiki, 35 yoshli aktrisaning 17 yoshli qahramonga ovoz berayotgani multfilmda umuman sezilmagandi. Ushbu loyihadagi muvaffaqiyatdan so‘ng uni ko‘p yillar davomida boshqa animatsion loyihalarga ham ovoz berish uchun taklif qilishgan.
Izoh (0)