Har yili Netizens Choice jurnali tomonidan dunyoning eng go‘zal ayollari reytingi tuziladi. Dastlab ovoz berish uchun ishtirokchilar ro‘yxati e’lon qilinadi, so‘ng istagan shaxslar ularga ovoz berishi mumkin bo‘ladi. Joriy yilgi reytingda e’tiborga molik jihatlardan biri shuki, kuchli o‘ntalikka birdaniga besh nafar turkiyalik aktrisa kiritildi.
Foto: Instagram
“Qizil sharbat” seriali orqali tanilgan Sila Turko‘g‘lu 2025-yilgi dunyoning eng chiroyli ayollari ro‘yxatida birinchi o‘rinni egalladi. Doa obrazini gavdalantirgan aktrisa jamoatchilikni nafaqat go‘zalligi, balki aktyorlik mahorati bilan ham rom etdi.
Ikkinchi o‘rinni esa ilgari “Qonli gullar” serialida ishtirok etgan yosh aktrisa Yagmur Yuksel egalladi.
Foto: Haberler
“Shamolli tepalik” seriali orqali tanilgan Jemre Arda ushbu reytingda beshinchi pog‘onadan joy oldi. “Tungi ertak” yulduzi Su Burju Joshkun esa reytingda oltinchi o‘ringa chiqdi. Hande Erchel ham kuchli o‘ntalikka kirdi, biroq bu safar u faqatgina yettinchi o‘ringa loyiq deb topildi.
Netizens Choice nashrining qayd etishicha, joriy yilgi reytingda ishtirokchilarning nafaqat tashqi ko‘rinishi, balki ularning jamiyatdagi obro‘si va nufuzi ham hisobga olindi. Turdizi muxlislari natijalardan mamnun bo‘lishdi, ayniqsa, bir necha yosh turk aktrisalarining birgalikda g‘oliblar safidan joy olgani ko‘plab ijobiy fikrlar uyg‘otdi.
Izoh (0)