Kam ta’minlangan oilalarga nafaqa va moddiy yordam pullari moliyalashtirildi, deb xabar bermoqda Ijtimoiy himoya milliy agentligi.
Unga ko‘ra, agentlik tomonidan 2025-yil iyul oyi uchun 621,6 mingta kam ta’minlangan oilaga jami 340,9 mlrd so‘m mablag‘lar AT “Xalq banki”ga to‘liq moliyalashtirildi.
Shundan:
- 597 525 ta oilaga 330,4 mlrd so‘m bolalar nafaqasi;
- 24 378 ta oilaga 10,5 mlrd so‘m moddiy yordam mablag‘lari ajratildi.
O‘z navbatida kam ta’minlangan oila sifatida nafaqa oluvchi 589,5 mingta oilaga (yoki jami oluvchilarning 94,7 foizi) bank kartalari orqali to‘lovlar amalga oshiriladi.
Amaldagi qonunchilik talablariga muvofiq nafaqa pullarini naqd shaklda oluvchi oilalarga joriy oy to‘lovlari “Xalq banki”ning sayyor kassalari tomonidan oyning 27-sanasiga qadar yetkazib beriladi.
Ma’lumot uchun: joriy yilning iyul oyida yangi 80 563 ming ta kam ta’minlangan oilalar “Ijtimoiy himoya yagona reyestri” axborot tizimiga kiritildi.
O‘zbekistonda 2025-yil I yarim yilligida yangi 48 771 nafar fuqaroga ijtimoiy to‘lovlar tayinlab berildi. Jumladan:
- 6 811 nafar fuqaroga — yoshga doir nafaqa;
- 16 014 nafar fuqaroga — nogironlik nafaqasi;
- 3 770 nafar oilaga — boquvchisini yo‘qotganlik nafaqasi;
- 14 115 nafar fuqaroga — nogironligi bo‘lgan 18 yoshgacha bolalarga nogironlik nafaqasi;
- 6 144 nafar fuqaroga — parvarishlash nafaqasi;
- 1 252 nafar fuqaroga — o‘zgalar parvarishiga muhtoj bo‘lgan yolg‘iz keksalar va o‘zgalar parvarishiga muhtoj yolg‘iz nogironligi bo‘lgan shaxslarga moddiy yordam;
- 612 nafar fuqaroga — uy-joy kommunal xizmatlar haqini to‘lash bo‘yicha kompensatsiya pul to‘lovlari tayinlab berildi;
Shuningdek:
- parvarishi va ta’minoti uchun to‘lov bilan qamrab olingan oilaga tarbiya (patronat)ga berilgan tutingan bolalar — 42 nafar;
- oilaviy bolalar uyi tutingan bolalar — 11 nafar.
Bir martalik nafaqa to‘lovlari
2025-yil iyun oyida 32 184 ming nafar fuqaro uchun 37,2 mlrd so‘m bir martalik nafaqa to‘lovlari to‘lab berildi. Shundan:
- 19 702 nafar fuqaroga 15,9 mlrd so‘m — farzand tug‘ilganda beriladigan bir martalik (suyunchi) nafaqasi;
- 12 482 nafar fuqaroga 21,3 mlrd so‘m — dafn etish uchun nafaqasi to‘lab berildi.
Izoh (0)