Ijtimoiy tarmoqlarda fuqarolardan birini temir yo‘lda tok urgani haqida videolar tarqaldi. Holat yuzasidan “O‘zbekiston temir yo‘llari” AJ izoh berdi.
Maʼlum qilinishicha, hodisa 10-iyun kuni Andijon viloyatidagi Poytug‘ bekatida sodir bo‘lgan. Begona fuqarolardan biri temir yo‘l stansiyasi hududiga kirib, ikkinchi yo‘lda bo‘sh turgan sisternaga chiqib olgan.
Vagonda bo‘lgan erkak kontakt tarmog‘idagi kuchlanish ta’siriga tushib, yerga yiqilgan. Stansiya navbatchi xodimi voqeaga zudlik bilan munosabat bildirib, tez tibbiy yordam brigadasini chaqirgan.
Jabrlanuvchiga zarur tibbiy yordam ko‘rsatilib, shifoxonaga olib borilgan.
Toshkentda temiryo‘lning belgilangan qismidan velosipedda kesib o‘tayotgan bolani poyezd urib ketgani haqida xabar berilgan edi. Shuningdek, Toshkent shahar Yunusobod tumanida poyezd ustida selfi tushmoqchi bo‘lgan ikki bolani tok urgandi.
Izoh (0)