Ravshan Usmanov O‘zbekistonning Irlandiyadagi elchisi etib tayinlandi. Bu haqda “Dunyo” xabar berdi.
O‘zbekistonning Irlandiyaga yangi tayinlangan favqulodda va muxtor elchisi Ravshan Usmanov (qarorgohi London shahrida joylashgan) mazkur davlat Tashqi ishlar va savdo vazirligi Protokol departamenti boshlig‘i Ralf Viktoriga ishonch yorliqlari nusxalarini topshirdi.
Suhbat chog‘ida O‘zbekiston va Irlandiya o‘rtasidagi hamkorlikni rivojlantirish istiqbollari bo‘yicha fikr almashildi. Savdo-iqtisodiy, madaniy va turizm sohalarida aloqalarni jadallashtirish masalalariga e’tibor qaratildi.
Qishloq xo‘jaligi, IKT, farmatsevtika hamda qayta tiklanuvchi energiya sohalarini istiqbolli yo‘nalishlar sifatida qayd etildi. Uchrashuv so‘nggida Irlandiya tomoni O‘zbekiston elchisiga ikki tomonlama munosabatlarni rivojlantirish va kengaytirish yo‘lidagi ishlariga muvaffaqiyatlar tiladi.
Ravshan Usmanov 2023-yilning 14-noyabr kuni O‘zbekistonning Buyuk Britaniyadagi elchisi sifatida London shahriga kelgan edi. 2024-yil 16-may kuni Buyuk Britaniya va Shimoliy Irlandiya Birlashgan Qirolligi qiroli Charlz III ga ishonch yorliqlarini topshirgan edi.
2025-yil fevral oyida esa u bir vaqtning o‘zida mamlakatning birinchi elchisi sifatida Islandiya prezidenti Xalla Tomasdottirga ishonch yorliqlarini topshirgan.
Yangi tayinlangan elchilar:
- O‘zbekistonning yangi tayinlangan elchisi Iordaniya podshohiga ishonch yorliqlarini topshirdi (video).
- Nodirjon Turg‘unov O‘zbekistonning Iordaniyadagi elchisi bo‘ldi.
- O‘zbekiston elchisi Urxelsk yepiskopiga ishonch yorliqlarini topshirdi.
- O‘zbekistonning yangi tayinlangan elchisi Norvegiya qiroliga ishonch yorliqlarini topshirdi.
Izoh (0)