O‘zbekistonda 2025-yilgi mavsumi erta boshlandi. Ushbu mevaning dastlabki ulgurji partiyalari so‘nggi 5 yil bilan taqqoslaganda kamida bir hafta oldin paydo bo‘ldi.
EastFruit tahlilchilariga ko‘ra, bunda yangi olchaning o‘rtacha ulgurji narxi o‘tgan yillarning shu davriga nisbatan kamida 70 foizga yuqori. 23-may kuni olchaning o‘rtacha ulgurji narxi bir kilogramm uchun 17 000 so‘mni (1,32 dollar) tashkil etdi. Taqqoslash uchun: 2023 va 2021-yillarda olchaning ilk ulgurji partiyasi may oxirlarida paydo bo‘lib, o‘rtacha narxi kilosi uchun 8000 (0,70 dollar) va 10 ming so‘mdan (0,95 dollar) bo‘lgan.
Bozor ishtirokchilarining so‘zlariga ko‘ra, bu mavsumda olcha hosili hajmi avvalgi bir necha yildagidek bo‘lishi kutilmoqda. Mamlakat ichki bozorida olchaga talab barqaror saqlanib qolayotgan bir paytda ushbu mahsulotning narxi bunday rekord darajada yuqori bo‘lishi tashqi bozorlarda o‘zbek olchasiga talabning ortishi bilan bog‘liq.
O‘zbekiston olchasi va gilosiga Rossiya va Belarus importchilarining talabi ayniqsa yuqori. Bundan tashqari, bozor ishtirokchilariga ko‘ra, 19-mayda o‘zbek gilos va o‘riklarini import qilishdan manfaatdor bo‘lgan Serbiya kompaniyalari delegatsiyasi O‘zbekistonga kelgan.
O‘zbekistonda 2024-yil bahorida mamlakatning sharqiy hududlarida ob-havo anomaliyalari kuzatilishi ortidan kechki gilos turlarining erta pishib yetilishi, shuningdek, gilos yetishtirish mavsumi nisbatan tez tugashi kuzatilgandi.
Izoh (0)