Shavkat Mirziyoyev O‘zbekiston va Fransiya hukumatlari o‘rtasida readmissiya borasidagi bitimni tasdiqlash to‘g‘risidagi qarorni imzoladi.
Ushbu bitim 2025-yil 12-mart kuni Parijda O‘zbekiston prezidentining Fransiyaga tashrifi doirasida imzolangandi.
Readmissiya qilingan shaxslar — O‘zbekiston va boshqa davlatlar o‘rtasidagi xalqaro kelishuvlar asosida, o‘z ixtiyori bilan yoki majburiy ravishda O‘zbekistonga qaytarilgan fuqarolar. Agar biror o‘zbekistonlik fuqaro chet elda noqonuniy qolgan, vizasi tugagan, deportatsiya qilingan shaxs O‘zbekiston tomonidan qabul qilinadi (readmissiya).
O‘zbekistonning xalqaro shartnomalariga muvofiq readmissiya qilingan fuqarolarga 2 yil davomida xorijga chiqish biometrik pasportini berish bo‘yicha davlat xizmati ko‘rsatilmaydi.
O‘zbekiston bir qator davlatlar, jumladan Chexiya, Estoniya, Rossiya va Qozog‘iston bilan readmissiya to‘g‘risidagi bitimlarga ega. 2024-yilda Germaniya bilan ham shunday kelishuv tayyorlanayotgani xabar qilingandi.
Izoh (0)