Bugun, 14-iyul kuni O‘zbekiston prezidenti administratsiyasida qator tayinlovlar amalga oshirildi. Bu bo‘yicha davlat rahbarining tegishli farmoni imzolandi, deya xabar berdi Prezident axborot xizmati.
Farmon bilan Sherzod Asadov Prezident Administratsiyasida yangi tashkil etilgan Kommunikatsiyalar departamentining rahbari — O‘zbekiston prezidentining matbuot kotibi lavozimiga tayinlandi. Shu munosabat bilan prezident matbuot kotibi lavozimidan ozod etildi.
Alisher Samadov Prezidenti Administratsiyasi Huquqiy ekspertiza va kompleks tahlil qilish departamenti rahbari lavozimiga tayinlandi. Shu sabab u avvalgi – prezidentning huquqiy ekspertiza va kompleks tahlil qilish masalalari bo‘yicha maslahatchisi o‘rinbosari lavozimidan ozod etildi.
Doniyor Qodirov esa administratsiyaning Jamoat xavfsizligi va qonun ustuvorligi bo‘yicha departamenti rahbari bo‘ldi. Shu munosabat bilan prezidentning huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha maslahatchisi lavozimidan bo‘shatildi.
Gayane Umerova administratsiyaning Kreativ iqtisodiyot va turizm bo‘yicha departamenti rahbari etib tayinlandi. U bundan avvalgi lavozimi — Ijtimoiy rivojlanish departamenti rahbari o‘rinbosariligidan ozod etildi.
Nodirjon Abdurahimov administratsiyaning Yig‘ilish va hududlarga tashriflar uchun tahliliy kontent tayyorlash departamenti rahbari bo‘ldi. U avval Rejalashtirish va axborot taʼminoti departamenti rahbari edi.
Bobur Xo‘jayev Moliyaviy texnologiyalar, raqamlashtirish va sunʼiy intellekt bo‘yicha departamenti rahbari etib tayinlandi. Shu sabab prezidentning iqtisodiy rivojlanish masalalari bo‘yicha maslahatchisi o‘rinbosari lavozimidan ozod etildi.
Zilemxan Haydarov administratsiyaning Ishlar boshqarmasi boshlig‘i lavozimiga tayinlandi. Shu munosabat Moliya-xo‘jalik departamenti rahbari lavozimidan ozod etildi.
Ella Jahongirova administratsiyaning Tadbirlarni tashkillashtirish departamenti rahbari lavozimiga tayinlandi. Bungacha u prezidenti protokolining rahbari o‘rinbosari lavozimi ishlagan.
Avvalroq prezident maslahatchilari va administratsiyaning qator yangi lavozimlariga nomzodlar tayinlangandi.
Izoh (0)