Joriy yil yanvar-iyun oylarida o‘z faoliyatini rasmiylashtirish bo‘yicha chorvachilik va tikuvchilik kasblari peshqadam bo‘ldi. Bu haqda my.gov.uz xabar berdi.
2025-yil dastlabki olti oyida “O‘zini o‘zi band qilish” xizmati orqali 872 fuqaro fuqaro ro‘yxatdan o‘tdi.
Mazkur xizmatdan foydalanishda eng faol hudud Toshkent viloyati bo‘lgan (125 ming ariza). Shu bilan birga, Qashqadaryo (110 ming), Samarqand (85 ming), Namangan (82 ming) va Andijon (77 ming) viloyatlarida o‘z kasbini qonuniylashtirish ulushi yuqori o‘sgan.
O‘zini o‘zi band qilishni eng ko‘p tanlagan sohalar quyidagilar:
- Chorva parvarishi – 159 ming kishi;
- Tikuvchilik – 94 ming kishi;
- Qishloq xo‘jaligi ishlari – 76 ming kishi;
- Yo‘lovchi tashish (avtomobilda) – 57 ming kishi;
- Tomorqada ishlash – 40 ming kishi.
Xabar qilinishicha, arizalarning 78 foizi my.gov.uz portali orqali berilgan (22 foizi mobil ilovadan)
2025-yil 1-iyul holatiga ko‘ra, O‘zbekistonda o‘zini o‘zi band qilgan shaxslar soni jami 5,5 million nafardan oshdi. Bu o‘tgan yilning mos davriga nisbatan 56 foizga (2 million nafar) ko‘p. Bunda o‘sish ko‘rsatkichi eng yuqori soha maishiy xizmatlar bo‘lgan (753,1 mingta). Shuningdek, qishloq xo‘jaligi xizmatlari (606,9 mingta), ishlab chiqarish va xizmat ko‘rsatish (213,2 mingta) vakillari nisbatan ko‘p ro‘yxatdan o‘tgan.
Avvalroq Soliq qo‘mitasi O‘zbekistonda jami 776,7 ming kishi taksi va yetkazib berish yo‘nalishida o‘zini o‘zi band qilganini ochiqlagandi.
Izoh (0)