Xorazm viloyati Urganch shahrida yong‘in bo‘layotgan hududda fuqaro hayoti saqlab qolindi. Bu haqda Favqulodda vaziyatlar vazirligi xabar berdi.
Unda aytilishicha, 29-iyul kuni soat 17:32 da Xorazm viloyati FVBga Urganch shahar, “Navbahor” MFY O‘zbekiston ko‘chasida joylashgan korxonalarning birida yong‘in sodir bo‘layotgani to‘g‘risida xabar kelib tushgan.
Qutqaruvchilar aytilgan manzilga soat 17:36 da yetib borib, yong‘in soat 18:01 da to‘liq o‘chirilgan. Yong‘inda qutqaruvchilar bir nafar fuqaroning hayotini saqlab qolgan. Tan jarohati olganlar yo‘q.
20-iyun kuni soat 11:42 da Farg‘ona shahar “Nurafshon” MFYdagi ko‘p qavatli uylardan birining 6-qavatida joylashgan xonadonlarning birida sodir bo‘lgan yong‘inda 7 kishi qutqarilgan edi.
Toshkentda cho‘kayotgan qizlarni qutqarib, halok bo‘lgan Abdumannop Samiqov “Jasorat” medali bilan mukofotlangani haqida xabar berilgandi. Poytaxt hokimligi mukofotni topshirish marosimida marhumning turmush o‘rtog‘iga 50 mln so‘m berilganini ma’lum qilgan.
Shuningdek, Qashqadaryoda joniga qasd qilish uchun o‘zini kanalga tashlagan fuqaroni ichki ishlar xodimi qutqardi.
Izoh (0)