Hududlar rivoji, islohotlar natijadorligi bilan tanishish maqsadida Qashqadaryo viloyatiga kelgan Shavkat Mirziyoyev Qarshidan Shahrisabzga poyezdda bordi.
Prezident matbuot xizmatining xabar berishicha, prezident safar davomida qashqadaryolik faollar bilan shahar va qishloqlardagi o‘zgarishlar, aholi hayoti, bugungi tinchlik qadri haqida gaplashdi.
Davlat rahbari iqtisodiyot rivoji, aholi kayfiyatida yo‘llarning ahamiyati yuqori ekanini ta’kidlab, bu borada mutasaddilarga topshiriqlar berdi. Oxirgi 2 yilda O‘zbekistonda 40 ming kilometr yo‘l va 540 ta ko‘prik ta’mirlangan. Bu yil Qashqadaryoda jami 100 kilometr magistral yo‘llar ta’mirlanishi rejalashtirilgan. Bu loyihalarni tezlashtirish, yo‘l bo‘ylarini obodonlashtirish bo‘yicha ko‘rsatmalar berildi.
-up30UFnC.avif)
-PtyHyJ-A.avif)
-1R9KZ0_3.avif)
Shavkat Mirziyoyev Qashqadaryoga 19-iyundagi tashrifini Qarshi shahridagi “Alp texno servis” elektrotexnika korxonasi bilan tanishuvdan boshladi. Tashrif davomida sanoat, tibbiyot, turizm, energetika kabi ko‘plab sohalardagi korxonalar faoliyati va mahallalardagi bunyodkorlik ishlarini ko‘zdan kechirish rejalashtirilgan. Shuningdek, viloyatni ijtimoiy-iqtisodiy rivojlantirishning kelgusi vazifalari yuzasidan yig‘ilish o‘tkazilishi ko‘zda tutilgan.
Bundan bir kun avval davlat rahbari Toshkent viloyatining Parkent tumanida bo‘lib, turizm, transport va qishloq xo‘jaligi sohalarida amalga oshirilayotgan ishlar va istiqbolli loyihalar bilan tanishgandi.
Izoh (0)