O‘zbekistonda O‘rmon agentligi tashkil etiladi. Bu haqda “Yashil makon” umummilliy loyihasi doirasida hamda o‘rmonlarni boshqarish tizimida islohotlarni izchil davom ettirish, yashil hududlarni kengaytirish chora-tadbirlari to‘g‘risida”gi prezident farmonida belgilandi.
-Sz6aIenT.avif)
Unga ko‘ra, Ekologiya vazirligi huzuridagi O‘rmon xo‘jaligi agentligi negizida O‘rmon va yashil hududlarni ko‘paytirish, cho‘llanishga qarishi kurashish agentligi tashkil etiladi.
O‘rmon agentligi:
- barcha o‘rmonlarning davlat hisobini hamda davlat o‘rmon kadastrini tuzadi va yuritadi;
- Yashil makon” umummilliy loyihasini amalga oshirish, ko‘chatchilikni rivojlantirish, daraxt va buta ko‘chatlari pitomniklarini ko‘paytirish bo‘yicha respublika ijro etuvchi hokimiyat organi hisoblanadi.
Hujjatda belgilanishicha, Ekologiya vazirligi manfaatdor vazirlik va idoralar bilan birgalikda “Yashil makon” elektron platformasida 2026-yil 1-sentyabrga qadar cho‘l va yarim cho‘l hududlarida yashil maydonlarni ko‘paytirishga qaratilgan dasturlar amalga oshirilishining natijasini har chorakda kuzatish hamda hududlarda ekologik holatni tizimli monitoring qilib borish imkoniyati yaratilishini ta’minlashi kerak.
2025-yil 1-noyabrdan boshlab o‘rmon fondi yer maydonlari alohida muhofaza etiladi va ularning toifasini o‘zgartirish prezident qaroriga muvofiq amalga oshiriladi.
Prezident farmoni bilan “Yashil makon” elektron platformasida ochiqlik yanada ta’minlanadi. O‘rmon fondiga kirmaydigan daraxt va butalarning qimmatbaho navlarini qonunga xilof ravishda kesgan yoki yo‘q qilgan shaxslar tomonidan kompensatsiya sifatida ekilgan daraxt va buta ko‘chatlari hisobini yuritish tizimini joriy qilinadi.
Izoh (0)