Saida Mirziyoyeva butun dunyo bo‘ylab nafaqat ta‘lim tizimini, balki jamiyat hayotini ham o‘zgartirayotgan Teach For All noyob harakati asoschisi Vendi Kopp bilan uchrashdi.
O‘tgan yildan boshlab Teach For Uzbekistan loyihasi Teach For All oilasiga qo‘shildi. Liderlik qobiliyatiga ega iqtidorli yoshlar esa mazkur harakatning bir qismiga aylanib bormoqda.
“Kopp xonim bilan Markaziy Osiyo mintaqamizni muhokama qildik. Ta‘lim va xotin-qizlar huquqlari sohasida erishilgan salmoqli yutuqlarimiz borki, ushbu ijobiy tajriba yurtimizdan tashqarida ham keng yoyilishini istaymiz.
Teach For Uzbekistan loyihasi — ta‘lim yo‘nalishida amalga oshirilayotgan keng ko‘lamli islohotlarning muhim qismi bo‘lib, mamlakatimizning olis hududlaridagi minglab bolalar hayotini yaxshilashga hissa qo‘shishiga ishonaman”, deb yozadi Prezident administratsiyasi rahbari.
Izoh (0)