Ota-onalar tomonidan emlashga loqaydlik, emlashga qarshi tilxat yozib berish holatlari bor. Bu haqda Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov maʼlum qildi, deya xabar bermoqda “Daryo” muxbiri.
Botir Qurbonovning alohida taʼkidlashicha, baʼzilar antivaksina targ‘ibotiga beriluvchanligi yoki bo‘lmasa vaksina tarkibida yod narsalari borligi haqidagi gaplarga ishonib, farzandini emlatmaydi.
Natijada emlanmagan farzandlarni yuqumli kasalliklar: qizilcha, qizamiq, parotit va boshqa kasalliklar bilan kasallanish holatlari, ming afsuski, uchrab turibdi.
Vaksinalar O‘zbekistonni o‘zida ham tajribadan o‘tkazilgan. Milliy emlash bo‘yicha alohida texnik guruh tashkil qilingan. Olimlar tomonidan mamlakatimizga olib kelinayotgan vaksinalarni JST tomonidan verifikatsiya qilinganligiga aniq ishonch hosil qilingandan so‘ng milliy emlash kalendariga kiritilishi ko‘rsatib o‘tilgan
O‘zbekistonga olib kelinayotgan vaksinalar farzandlarimiz uchun 100 foiz bezarar va kasallikni himoya qilishi to‘g‘ri tashkil etilgan, dedi Sanepidqo‘mita mulozimi.
Uning alohida taʼkidlashicha, O‘zbekiston qonunchiligida bolani o‘z vaqtida emlatmagani uchun ota-ona yoki ularni o‘rnini bosuvchilar uchun hech qanday chora belgilanmagan.
Har bir bolani va ularning ota-onalarini huquqlari bor. Huquqni muhofaza qiluvchi organlar bilan birgalikda emlanmaganlarga qonuniy chora ko‘rish bo‘yicha ishlar ko‘rib chiqilmoqda, dedi Botir Qurbonov.
U o‘z nutqida bolalarning necha foizi emlanmayotgani va buning ortidan qanday salbiy oqibatlar kelib chiqayotganiga to‘xtalmagan.
Izoh (0)