O‘zbekiston hududlari kesimida palovga ishlatiladigan mahsulotlarning o‘rtacha narxlari to‘g‘risida ma’lumot e’lon qilindi.
Statistika qo‘mitasi taqdim etgan ma’lumotga ko‘ra, hududlar kesimida bir kilogramm palov uchun kerakli mahsulotlarning o‘rtacha qiymati:
- Qoraqalpog‘iston R. — 96 700 so‘m
- Andijon viloyati — 103 286 so‘m
- Buxoro viloyati — 106 622 so‘m
- Jizzax viloyati — 108 171 so‘m
- Qashqadaryo viloyati — 108 823 so‘m
- Navoiy viloyati — 107 362 so‘m
- Namangan viloyati — 107 471 so‘m
- Samarqand viloyati — 110 047 so‘m
- Surxondaryo viloyati — 108 342 so‘m
- Sirdaryo viloyati — 103 455 so‘m
- Toshkent viloyati — 110 684 so‘m
- Farg‘ona viloyati — 113 506 so‘m
- Xorazm viloyati — 103 979 so‘m
- Toshkent shahri — 114 555 so‘m.
Yuqoridagi raqamlar narxlar aprel oyidagi narxlarga nisbatan o‘sganini ko‘rsatmoqda. Bunda asosiy omillar nimada?
Narx oshishiga go‘sht, yog‘, sabzi va no‘xatning qimmatlashuvi sabab bo‘lgan. Eng qimmat go‘sht Farg‘onada — kilosi 108 035 so‘m, eng qimmat yog‘ (litri 23 838 so‘m) va sabzi (kilosi 7 821 so‘m) Toshkentda. No‘xat esa Buxoroda eng qimmat — kilosi 27 773 so‘m.
Palov eng qimmat bo‘lgan hudud hamon Toshkent — 1 kilo palov 114 555 so‘m, o‘tgan oyga nisbatan 2 091 so‘mga oshgan.
Darvoqe, bir kilogram palov uchun kerakli mahsulotlar:
- kungaboqar yog‘i — 0,3 l
- piyoz — 300 gr
- mol go‘shti — 700 gr
- sabzi — 1 kg
- guruch — 1 kg
- noxat — 100 gr
- zira — 10 gr
- osh tuzi — 20 gr.
Statistika agentligi 2025-yilning yanvar oyi uchun “Palov indeksi”ni eʼlon qilgan edi. Osh markazlarida eng qimmat palov Toshkent shahrida sotilgan bo‘lib, bir porsiyasi 35 700 so‘m bo‘lgan. Eng arzon osh esa Namangan viloyatida — bir porsiyasi 23 000 so‘mdan sotilgan.
Umuman olganda mamlakat hududlarida 1 porsiya oshning o‘rtacha narxi quyidagicha bo‘lgan:
- Qoraqalpog‘iston Respublikasi — 26 100 so‘m
- Andijon viloyati — 31 200 so‘m
- Buxoro viloyati — 33 900 so‘m
- Jizzax viloyati —28 800 so‘m
- Qashqadaryo viloyati — 30 700 so‘m
- Navoiy viloyati — 26 800 so‘m
- Samarqand viloyati — 30 500 so‘m
- Surxondaryo viloyati — 29 200 so‘m
- Sirdaryo viloyati — 25 700 so‘m
- Toshkent viloyati — 27 300 so‘m
- Farg‘ona viloyati — 26 600 so‘m
- Xorazm viloyati — 31 900 so‘m
“Palov indeksi” haqida
O‘zbekistonda eng ommaviy taom — osh narxlari to‘g‘risidagi ma’lumotlarni shakllantiruvchi “Palov indeksi” 2020-yilning yanvaridan joriy etilgan. Ushbu ma’lumotlarni shakllantirishda respublikaning barcha hududlarida 1 kilogramm palov tayyorlash uchun sarflanadigan masalliqlar miqdori o‘rganib chiqiladi. Shunga ko‘ra, umumiy ovqatlanish muassasalarida bir porsiya palovning o‘rtacha narxi belgilanadi.
Izoh (0)