Oybek Shaxavdinov O‘zbekistonning Serbiyadagi (qarorgohi Budapesht shahrida joylashgan) elchisi etib tayinlandi. Bu haqda “Dunyo” AA xabar berdi.
Maʼlum qilinishicha, elchi Serbiya Tashqi ishlar vazirligi Diplomatik protokol rahbari Branko Radovanovichga ishonch yorliqlari nusxalarini topshirdi.
Suhbat chog‘ida ikki tomonlama kun tartibining dolzarb masalalari muhokama qilindi va O‘zbekiston—Serbiya munosabatlarini yanada mustahkamlashdan ikki tomon ham manfaatdorlik bildirdi.
Xorijiy tomon O‘zbekistonning Serbiyaga birinchi elchisi tayinlanganini olqishlab, bu qadam ikki tomonlama hamkorlikning butun yo‘nalishiga yangi surʼat bag‘ishlashini taʼkidladi.
Maʼlumot uchun, Oybek Shaxavdinov 2024-yil 13-dekabr kuni Sloveniya prezidenti Natasha Pirs Musarga ishonch yorliqlarini topshirgan edi.
U, shuningdek, O‘zbekistonning Vengriyadagi birinchi, o‘rindoshlik asosida Xorvatiya va Chernogoriyadagi elchisi hisoblanadi.
Izoh (0)