Mansabdor shaxslar tomonidan jamiyat va davlat manfaatlariga juda ko‘p miqdorda moddiy zarar yetkazilgani aniqlandi, deb xabar bermoqda Korrupsiyaga qarshi kurashish agentligi.
Unga ko‘ra, Korrupsiyaga qarshi kurashish agentligiga kelib tushgan murojaat asosida olib borilgan xizmat tekshiruvi davomida “Kogon yog‘ ekstraksiya zavodi” aksiyadorlik jamiyatining sobiq rahbarlari tomonidan qonunbuzarlik holatlari sodir etilgani aniqlandi.
O‘rganish jarayonida aniqlanishicha, 2021–2022-yillarda mazkur AJ tomonidan “O‘zsanoatqurilishbank” ATB To‘qimachilik biznes markazi orqali aylanma mablag‘larini to‘ldirish maqsadida umumiy 30,5 milliard so‘m kredit olingan. Ushbu kredit ta’minoti sifatida jamiyat balansida bo‘lgan, umumiy maydoni 150,134 kv/m bo‘lgan bino-inshootlar 50 milliard so‘m qiymatida baholanib, garovga qo‘yilgan.
Tekshiruv natijalariga ko‘ra, mansabdor shaxslar oldindan o‘zaro kelishgan holda kredit olish jarayonida jamiyat kuzatuv kengashi roziligisiz soxta va yolg‘on ma’lumotlarni rasmiy hujjatlarga kiritib, bankka taqdim etgan.
Shuningdek, olingan kredit mablag‘lari samarasiz yo‘naltirilgani sababli jamiyat va bank tizimiga jami 19,6 milliard so‘mga yaqin moddiy zarar yetkazilgan.
Mazkur holatlar yuzasidan Jinoyat kodeksining tegishli moddalariga asosan jinoyat ishi qo‘zg‘atilib, hozirda dastlabki tergov harakatlari olib borilmoqda. Korrupsiyaga qarshi kurashish agentligi tomonidan ishga aloqador barcha shaxslarning javobgarligi masalasi huquqiy tartibda ko‘rib chiqilmoqda.
- Samarqandda 19 nafar hokim yordamchisi jinoiy javobgarlikka tortildi.
- Jizzaxda korrupsiyaga qarshi kurashishda mas’uliyatsizlik qilgan rahbarlar ishdan olindi.
- O‘zbekistonda 21 mlrd so‘mlik davlat xaridi noqonuniy o‘tkazilishining oldi olindi.
Korrupsiyaga qarshi choralar
O‘zbekistonda korrupsiya xavf-xatarlarini aniqlash va bartaraf etish bo‘yicha yangi mexanizm joriy etiladi.
Korrupsiyaviy omillarni aniqlash va bartaraf etish bo‘yicha “Andijon tajribasi” asosida barcha hududlar tomonidan “yo‘l xaritalari” ishlab chiqilib, ijroga qaratilgani, korrupsiyaning oldini olish, ayniqsa, maishiy korrupsiyaga barham berish, hududlarda korrupsiyaga nisbatan murosasiz muhit yaratish maqsadida yangi mexanizmlarni yo‘lga qo‘yish yuzasidan tuzilgan Respublika va hududiy ishchi guruhlarining vazifalari birma-bir ta’kidlab o‘tilgan.
O‘zbekistonda korrupsiya jinoyatligiga qaramay respublika dunyoning eng korrupsiyalashgan davlatlaridan biriligicha qolmoqda. Bu haqda Transparency International tashkiloti eʼlon qilib kelayotgan indekslarda qayd etilgan. Masalan, tashkilotning 2024-yilda 180 ta davlatni qamragan korrupsiya reytingida O‘zbekiston 121-o‘rinni egallagan. Umumiy 100 ballik baholashdan bor–yo‘g‘i 32 ball to‘plagan. Jami 50 balldan past natija davlatda korrupsiya yuqori darajada ekanini anglatadi. Shu bois, muammoga qarshi kurashish bugun yanada dolzarb ahamiyatga ega. Prezident Shavkat Mirziyoyev raisligida o‘tkazilgan yig‘ilishda bu masala keng tahlil qilindi.
Qayd etilishicha, hozir O‘zbekistonda korrupsiyaviy jinoyatlarning 75 foizi tuman va mahallada maishiy korrupsiya shaklida sodir etilmoqda. Jumladan, infratuzilmaga ulanish, litsenziya olish, imtiyozli kredit ajratish, ishga qabul qilish, malaka oshirish kabi yo‘nalishlarda korrupsiya omillari ko‘p.
Izoh (0)