Buxoro viloyatida 1-iyuldan boshlab ichimlik suvi va oqova xizmatlar bo‘yicha yangi to‘lov tariflari ishga tushadi. Bu haqda viloyat hokimligi matbuot xizmati xabar berdi.
Ma’lum qilinishicha, Xalq deputatlari viloyat kengashining 12-iyundagi qarori bilan 1-iyuldan boshlab amalda bo‘ladigan ichimlik suvi va oqova xizmatlar bo‘yicha yangi to‘lov tariflari tasdiqlangan.
Unga ko‘ra, 1 metr kub ichimlik suvi (QQS bilan):
- aholi uchun — 4480 so‘m;
- issiqlik ta’minoti, diniy tashkilotlar va boshqalar uchun — 4480 so‘m;
- byudjet tashkilotlari uchun — 9520 so‘m;
- ulgurji iste’molchilar uchun — 9520 so‘m bo‘ladi.
Texnik suvi xizmati:
- aholi uchun — 2240 so‘m;
- boshqa iste’molchilar uchun — 2240 so‘m bo‘ladi.
Oqova suv xizmati:
- aholi uchun — 4256 so‘m;
- issiqlik ta’minoti, diniy tashkilotlar va boshqalar uchun — 4256 so‘m;
- byudjet tashkilotlari uchun — 6272 so‘m;
- ulgurji iste’molchilar uchun — 6272 so‘m bo‘ladi.
“Buxoro suv ta‘minot” AJ matbuot xizmati xabarida keltirilishicha, o‘tgan besh yilda Buxoro viloyatida markazlashgan ichimlik suvi bilan ta’minlanish darajasi 52,8 foizdan 74,3 foizga, kanalizatsiya qamrovi 7,0 foizdan 16,5 foizga yetkazildi. Shuningdek, kelgusi besh yilda viloyatda markazlashgan ichimlik suvi bilan ta’minlanish darajasi 74,3 foizdan 95,0 foizga, kanalizatsiya qamrovi 16,5 foizdan 40,0 foizga yetkazilishi rejalashtirilgan.
Bundan tashqari ish haqi, elektr–energiya, soliq to‘lovlari, xorijiy kreditlar to‘lovi amalga oshirilgan bo‘lib, joriy va kapital ta’mirlash, tizimni modernizasiya qilish ishlarida ham sarf-xarajatlar talab etiladi.
Toshkent viloyatida ham 1-iyuldan boshlab ichimlik suvi va oqova xizmatlar bo‘yicha yangi to‘lov ta’riflari joriy qilinadi.
Izoh (0)