Xitoyning Yadea kompaniyasi tuzdan zaryad oladigan elektroskuterlarni sinovdan o‘tkazmoqda. Bu haqda BBC xabar berdi.
Odamlar bunday skuterlarni Xanchjou shahridagi savdo markazi oldida sinab ko‘rishi mumkin. Ularning yonida zaryadlovchi ustunlar bo‘lib, 15 daqiqada quvvat darajasini 0 dan 80 foizgacha to‘ldirish mumkin bo‘ladi.
400 dan 660 dollargacha sotiladigan bu skuterlar odatda elektr avtomobillarda ishlatiladigan qo‘rg‘oshin kislotasi yoki litiy-ion elementlari bilan quvvatlanmaydi. Buning o‘rniga batareyalar dengiz tuzidan ajratib olish mumkin bo‘lgan natriydan quvvat oladi.
Mahalliy kompaniyalar allaqachon sanoatning asosiy xomashyo minerallariga qaramligini kamaytiradigan muqobil natriy-ion batareyalarini ishlab chiqarishni boshlagan. 2025-yil aprelda CATL kompaniyasi Naxtra brendi ostida og‘ir yuk mashinalari va avtomobillar uchun natriy-ionli akkumulyatorlarni ommaviy ishlab chiqarish rejasini e’lon qilgan.
Yadea hozirgacha 3 ta natriy bilan ishlaydigan elektroskuter modelini taqdim etgan. Shuningdek, u yangi paydo bo‘layotgan akkumulyator kimyosi, xususan, natriy-ionini o‘rganish uchun Xanchjou Huayu yangi energiya tadqiqot institutini tashkil etgan.
Ikki g‘ildirakli avtomobillar ko‘plab Osiyo mamlakatlarida, jumladan, Vyetnam va Indoneziyada juda mashhur transport turi hisoblanadi. Xitoyda ular juda keng tarqalgan bo‘lib, aholi undan kundalik hayotda juda ko‘p foydalanadi. Ular skuterga “elektr eshak” deb laqab qo‘ygan. 2023-yilda davlatda 55 millionga yaqin skuter sotilgan.
Izoh (0)